خلطة توابل جامده موووت هتغير طعم اكلك خالص

بصو يا جماعه خلطة التوابل اللي هقولكم عليها دي محصاتش بجد بتدي طعم و ريحه للاكل مالهاش حل
دي انا اللي عملتها بنفسي و كتير بقو هيتجننو على ريحة و طعم الاكل المعمول بيها و يسالو و انا اقولهم ده سر المهنه بس علشان خاطركم و لاني بصراحه استفدت منكم في حاجات كتير قوي قلت و الله لازم احطهالكم و هقولكم كمان بستعملها في ايه علشان تجربو
هقولكم المكونات و طبعا ده كله هيتطحن مع بعضه
3 م ك قرفه مطحونه
1 م ك حبهان (هيل ) حب
كبشة ورق لاورا ( ورق غار) مايعادل 1م ك منه لو مطحون
1 م ص جنزبيل
1 م ص كاري
1 م ص ممسوحه جوزة الطيب
1 م ص ممسوحه بابريكا
نص م ص كزبره ناشفه
نص م ص كمون
نص م ص سكر
نص م ص فلفل اسود
و نص م ص روزماري لو متوفر
نص م ص زعتر

و نطحن كله مع بعضه انا بستعملها في خلطة المحشي و في تتبيلة البانيه و كمان في صلصة الكشري و حاجات تانيه برضه و بعد كده هبقى اقولكم وصفات للاكل اللي بعمله و بستعملها ازاي
يارب تعجبكم و يارب برضه تردو عليا مش زي قبل كده المشاهدات كتير و محدش بيرد

يعطيك الف عآآآآآآآآآآآفيه

يعطيك العافيه على المشاركه
احترااامي