يوميات رايقه و جواني

يوميات رايقة وجوانى
صباح الخير والسعادة النهارده انا قررت اكتب حاجه جديده بجانب اليوميات هى يوميات برده بس بعيده عنى خالص اتمنى تعجبكو لو عجبتو هكمل اوك
يوميات رايقه وجوانى
الحلقه الاول
الحادثة
الاسماء غريبه شويه بس الابطال هو اللى فرضو الاسماء دى نتعرف على الابطال الانسه رايقه بنت كول ومتخرجه من احدى الجامعات الخاصه بتحب الخروج والفسح والاجازات اما سبب الاسم انه اسم جدتها الاستاذ جوانى شاب من الصعيد الجوانى كلاسيك جدا صريح متخرج من كليه الحقوق جامعه اسيوط وبيشتغل محامى وعايش فى مصر مع الحاجه ام جوانى واخواته
الست رايقه متعوده كل يوم تخرج تروح النادى او تعمل شوبنج مع اصحابها وفى يوم وهى خارجه بعربيتها وسايقه وكلها انسجام مع شريط تامر حسنى الجديد عدى من قدام العربيه قطه صغننه رايقه فرملت فجاه طاااااااااخ دى العربيه اللى وراها نزلت بسرعه كانت القطه جريت بس اللى كان وراها الاستاذ جوانى وراح شاخط فيها وقال : هو انت معندكيش نظر خالص يامودام ؟
رايقه : سو سورى بس كان فى كات عدت وانا كنت هعمل حادثه
جوانى فاتح بقه : ايه ؟
رايقه : بس الحمد الله هى بخير
جوانى : بس انا مشفتيش اى حد معدى قدام العربيه
رايقه بعصبيه : بقولك الكات عديت من قدامى وكنت هدوسها
جوانى بنفاذ صبر : ياستى انا مش فاهم منك حاجه هو مين اللى داس على مين
رايقه : اتس اوك
جوانى : كمان بتغلطى فيه انا الحج عليه انا بكلمك بالذوق
رايقه : انت عايز ايه ادفعلك تمن العربيه
جوانى بشهامه : انا مجبليش العوض يامودام
رايقه : انسه بليز
جوانى : ياحول ولا قوه الا بالله اتكلى على الله يامدام
رايقه تركب عربيتها وتمشى سايبه جوانى بنص عربيته مكسرة ومش عارف يعمل ايه .
جوانى : هو انا اصطبحت بوش مين النهارده مفيش غيره عم مرزوق البواب وشه دائما مش بيخيب الحمد الله انى لسه عايش قعد جوانى يدور حوالين العربيه على اى سبب للحادثه وفى الاخر قال صحيح حريم مجنونه مفيش اى خواجه ولا اجنبى متعور اومال مين كات ده ؟؟؟؟
جوانى روح البيت لقى الحاجه قاعده وبتقوله
الحاجه : جوانى ياولدى لازم تتجوز ؟
جوانى : هو انا قولت لا بس انتى عارف ياامى انت البنات اليومين دول حالهم مائل
الحاجه : عندى ليكى عروسه مال وجمال بكره نروح نشوفها
جوانى فى عقله : هو انا قاعد على قلبك ياحاجه وبعدين كل العرائس اللى تبعك الصلاحيه بتاعتهم انتهيت من زمان بس طاعه الام واجبه حاضر ياحاجه
رجع جوانى منش غله تانى يوم ولبس البدله الحكلى اللى بيتفائل بيها ( عمره ماراح يخطب عروسه بيها والموضوع فلح ) وعلبه الشيكولاته من نفس المحل واخد الحاجه ام جوانى واتجاه الى بيت العروسه ....................... نكمل الحلقه الجايه

من الاخر كده لو مهتمتوش بيها مش هكملها

كده طيب انا مش هنزل لجزء التاني لو محدش دخل علشان انا مش هنزل كده وخلاص و ميرسي سلام

القصه رووووووووووووووووووووعه
انا مستنيه الحلقه الجايا

روعه روعه نونو

والله هجنن كمليها بقى روعه بجد


شكلها هى العروسه
وهيدبس فيها ويحبها
يارب تكون كده يارب
تكون قصه حب جميله

بعد النجاح الفظيع والرود الكتير وعلشان خاطر كل الناس اللى ردت على موضوعى اليكم الحلقة التانية


صباح الخير على كل الفتوكات انا زعلانه عدد الناس اللى بتدخل الموضوع كبيره لكن الردود مفيش خالص ياجماعه انا محتاجه رايكم علشان استمر فى الكتابه
الحلقة التانيه
العروسة
استعد جوانى للقاء العروسه واستلف عربيه واحد صحبه علشان عربيه بتتصلح بعد حادثته الاولى مع رايقه وقال فى عقله اهو العربيه موديل جديد وبرده منظر قدام اهل العروسه لبس جوانى البدله الكحولى وخد علبه الشيكولاته تحت دراعه وبينادى على الحاجه
جوانى : ياحاجه ام جوانى اتاخرنا ؟
الحاجه : حاضر يابنى على مهللك شويه خلاص لبسنا انا وابوك اهو
جوانى : هو الحاج جاى معانا يادى الهنا شكل كلام الحاجه عن العروسه مع الحج شجعه بركاتك ياام جوانى .
جوانى ركب العربيه وقبل ما يدوس بنزين
الحاج ابو جوانى : بقولك ياولدى عدلنا على ايه فكهانى مش هندخل على الناس فاضين
جوانى : فاكهه ايه بس ياحاجه احنا رايجين نزور مريض ما انا جايب علبه الشكولاته ؟
الحاج : شكولاته ايه بس انت عايز الناس تاكل وشنا ولا ايه وكمان عدى على البقال نجيب كام كليو سكر وازازتين شربات ؟
جوانى : ولازمته ايه الشربات خليه فى الخطوبه ؟
الحاج : انت متفهميش فى الاصول اسمع الكلام والا مش هنروح
جوانى فى عقله من غير كلام : يعنى لازمته ايه فدان الفاكه وكمان الشربات افرض العروسه طلعت مش اد كده ليه الغرامات دى ياحاج
بس خلاص الحج امر ومحديش يقدر يعانده نهايته عبينا العربيه فاكهه وسكر وفضلت انا حاضن علبه الشيكولاته وقلبي بيتقطع على فدان الفاكهه والسكر والشرابات وقعدت افكر ياترى العروسه شكلها ايه اكيد حلوه والا الحج ابو جوانى مكنيش اتحمس اوى كده يمكن شبه نانسى عجرم انا اول ما هشوفها هركز اوى وهمسك من ايدها صينه العصير علشان تقول عليها راجل زوق وكمان ....................طاااااااااااااخ فاق جوانى على الصوت ده والعربيه اترجت نزل جوانى من العربيه ولقى واحده واقفه قدامه بتقوله
الانسه : are you blind ? (أعمى)
جوانى : بص وراه علشان يشوف التالت اللى هى بتكلمه مالقاش غيره قالها انا اسف يامدام ؟
الانسه : انت تانى اللى اتخانقت معايا علشان الكات ؟
جوانى : اه انتى بتاعت الخواجه كات على فكرة يامدام انا مالقتيش اى حد متعور بعد ما انتى مشيتى بطلو الحاجات اللى بتشربوها دى
رايقه : انا لا يمكن تكون human ؟(بنى ادم )
جوانى : ياستى بطلى غلط
رايقه : بصت فى عربيته لقت راجل وست كبار فسالته المهم are them ok ؟ ( اللى معاك بخير )؟
جوانى : لف وركب العربيبه ودورها وهو ماشى طلع دماغه بره الشباك وقال انا قولت انك بنت ناس برده وهتقولى اوك حصل خير الف سلامه
رايقه جالها ذهول وقعدت تبص على عربيه جوانى وهى بتبعد وفانوس عربيتها مكسور .
جوانى وصل بيت العروسه وقعد يدور على البواب علشان يشيل الحاجات معاه لكن من أمتى بتلاقى البواب لما تكون محتاجه شال جوانى كل الحاجات على قلبه وطلع بيها 5 ادوار على رجله واول ما ضرب الجرس والباب اتفتح
ابو العروسه : اهلا وسهلا ايه النور ده
جوانى : اهلا بيك ممكن ادخل بقا
ودخل الحج والحاجه ام جوانى وقعدو فى الصالون
ام العروسه : نورتنا انتم والحج والعريس ماشاء الله عليه
الحج : اومال فين العروسه ياجماعه
ابو العروسه : كنا عايزين نستاذنك ياحج العريس والحج بس يجو معانا
الحج ابو جوانى : على فين هتروح تجيبو العروسه من مكان ؟
ابو العروسه : لا ياحج العروسه موجودة بس اصلها منقبه فا العريس يشوفها وان شاء الله يحصل قبول
الحج ابو جوانى : وانا مش هشوف عروسه ابنى يعنى
ابو العروسه : ياحج هتشوفها ان شاء الله بعد كتب الكتاب
ابو جوانى : هو انا لما اشوف بنتك هتنقص حته
ابو العروسه : ياحج ميصحيش الكلام ده دى عودينا
ابو جوانى : بعصبيه يعنى عايز تقول ان جانبك والعروسه قرفنين من ابو العروسه
قوم يابنى الجواز دى مش بتاعتنا
جوانى : ياحج الصبر بس نفهم
ابو جوانى : ابدا والله ما يكون ابدا
جوانى فى عقله وهو خلاص هيعيط : ابوس ايدك ياحج احنا حتى مااعتدناش بتمن فدان الفاكهه طيب حتى اشوفها ومش اتجوزها عااااااااااااااااااااااااااا
ابو جوانى ساب المكان وقام ووراه جوانى وهو فى حاله ذهول هو وامه وروحو البيت وجوانى بيقول ياعروسه ماتمت ..................... نشوفكم الحلقة الجايه

منتظره الباقى يا قمر

بس انا زعلانه خالص مفيش غير رد ميرسي علي الاقل

الحلقة الثالثه
اللقاء الأول
طبعا ياجماعه جوانى بعد الحلقه اللى فاتت جاله اكتئاب شديد ده طبعا بالاضافه الى جفاف شديد فى الفلوس لكنه اقنع نفسه انه مكنيش فى ايديه اى حاجه يعملها وقرر يتابع حياته ويروح شغله نزل من بيته واخد عربيته من عند الميكانيكى واتجاه الى مكتب الاستاذ عز الدين الدبابانى اللى بيشتغل عنده محامى .
جوانى دخل مكتبه ويادوب لسه هيقعد على مكتبه ويضرب كوبايه الحبر بتاعت الاصطباحه وجاله عم متولى الساعى وقال الاستاذ عايزاك فى مكتبه ياجوانى بيه جوانى قام وهو بيقول يارب خير انا معمليتش لسه اى حاجه ماهو اليوم باين من اول
دخل جوانى من الباب لقى واحده قاعده مع الاستاذ اول ما دخل التفتت راح جوانى زى الصاروخ
قال : انتى رجعتى فى كلامك ولا ايه وهتخلينى اغير رايي ؟
رايقة : هو انت ادتنى فرصه اصلا يااستاذ انا يادوب بسالك الناس اللى معاك بخير سبتنى ومشيت
جوانى : انتى قولتى اوك ؟
رايقه : هو انت بتسمع كلمه واحده بس
الاستاذ عز : خير ياجماعه فى ايه ده انتم لسه مش اتعرفتو على بعض
رايقه : انا عارفاه كويس ده اللى كنت لسه بحكيلك عنه اللى خبط عربيتى وجري
الاستاذ عز : اعرفك بقا ده الاستاذ / جوانى من اشطر المحامين اللى عندى
رايقه : واضح اوى شاطر فى الزوغان
جوانى فى عقل : ياصبر ايووووووووووب
الاستاذ / عز : الانسه رايقة والدها من اكبر رجال الاعمال وكانت جايه علشان قضيه صغيره كده بتاعت ورث عن والدتها
جوانى : خير ان شاء الله
أ / عز : اتفضلى ياانسه رايقه مع الاستاذ جوانى وهو هيقوم باللازم

راح جوانى مع رايقه على مكتبه وابتدى الكلام
رايقه : القضيه بتاعتى ان والدتى الله يرحمها سابت عمارة باسمها هى واخواتها واخواتها رافضين يدونى نصيبى منها بدعوى ان ماما باعت نصيبها لكن مفيش اثبات مش عارفه اعمل ايه
جوانى : انتى ليكى اخوات
رايقه : لا
جوانى انا هحتاج منك شويه اوراق تعديهم عليه بكره علشان ابتدى اشتغل
رايقه : اوك يااستاذ جيرجاوى
جوانى : اسمى جوانى ياانسه
ومشيت رايقه على وعد انها هترجع تانى تجيب الاوراق واخدت رقم موبيل جوانى وهو اخد رقمها وعدى يومين وهى مظهريتش فقرر جوانى يتصل يسالها على الاوراق
جوانى : الو ازيك يااستاذة رايقه انا جوانى المحامى
رايقه : جيرانى المحامى مين
جوانى : ياستى جوانى بتاع قضيه عمارة والدتك
رايقه : اه اهلا خير
جوانى : فين الاوراق علشان نرفع القضيه
رايقه : نسيت الموضوع ده خالص ممكن تقبلنى وادهالك
جوانى هستنناكى فى المكتب
رايقه : مش هقدر اجى المكتب
جوانى : اومال فين
رايقه : تعرف كلومبوس
جوانى : حد فى العالم ميعرفوش
رايقه : فى العالم
جوانى : طبعا كريستوفر كلومبوس بتاع الامريكتين
رايقه : يااستاذ كوفى شوب كلومبوس
جوانى : يعنى ايه
رايقه : ده مكان الناس بتقعد فيه
جوانى : عنوانه
رايقه : فى المهندسين
جوانى : طيب حاضر
قعد جوانى يلف على كلومبوس لحد ما لقاه دخل جوه الكوفى شوب وقعد بيص حواليه لقى ناس 90% منهم شاب صغير وبنات وقعد يقول لنفسه عايزه تقابلنى فى كازينو شكل البت اتكعبلت فيك يامعلم بس انت خليك تقيل واوعى تتدلق ولازم تبين ليها انك فيس وكريم كده قطع حبل افكاره دخول رايقه المكان
جوانى بصوت يسمع الميتين وسط المكان : انا هنا يارايقه

رايقه محرجه راحت ناحيه التربيزه وقعدت
جوانى قبل ما تفتح بقها راح مصقف كانه قاعد فى مسرح العرائس ونادى انت ياجرسون
رايقه : انت قاعد عند كبابجى ؟؟؟؟؟؟؟؟؟
جوانى : اومال هنطلب المشاريب ازاى
رايقه : تشاور بس والويتر هيجى
جوانى : ما انت مقولتيش انه بادارة صم وبكم مكنيش اعرف
رايقه : ارحمنى الاصول هنا كده

جه الويتر ومعاه المينو واد لرايقه وجوانى ومشى
جوانى بنفس الصوت : انت رايح فين انت بتوزع كتب فى اتوبيس
رايقه بصت بصه ناريه لجوانى خليته ببلع لسانه وسكت
رايقه : تشرب ايه
جوانى : لو ممكن قهوه زياده بوش
رايقه : جرب الاكسبرسو هتعجبك
جوانى : بس انا مش جعان
رايقه وخلاص هتتشل : دى قهوه برده

جوانى وهو حاسس بالغباء : اللى تشوفيه
شربو القهوه واديته الاوراق اللى طلبها وهى كانت قاعده ساكته زى ما يكون فى ميت وجوانى يخاف يتكلم احسن يعك وبعد 3 دقائق قولتله انا همشى راح جوانى رافع صباعه عالى اوى
رايقه : مالك انت عامل زى تمثال الحريه كده ليه
جوانى : بنادى الجرسون علشان ندفع الحساب
رايقه : حسبى الله ونعم الوكيل
جوانى : قرأ الشيك لاقى فيه 30 جنية فى 2 قهوه راح وشه احمر ولسه هيزعق ويقول انتم فاكرنى هندى ولا راكن الفيل بره افتكر انه قدام رايقه وشكله هيكون وحش اوى دفع الفلوس اللى معاه ونزل مع رايقه من غير ولا كلمه لكن فى عقله كان بيقول انا غلطان انى شربت حاجه معرفهاش ياخسارة فلوسك ياابن المعلم صميده عااااااااااااااااااااااااااااااااااااا ............... نشكوفكم الحلقة الجاية .

هههههههههههههه خطيرة
اناوياااكم

هااااااااااااااااااااااااي
ازيك يا رهي معلش أتأخرت عليكي اتفضلي يا قمر

جميلة اوى يااانونو
مستنية الحلقات اللى جاية

الحلقة الرابعة

الفطار



رايقه لما روحت بعد فضيحه كلومبوس حست انها كانت قاسيه معاه جدا وانه انسان طيب وواضح ان علاقته بالدنيا محدوده فعدت تفكر ازاى تعتذر عن طريقتها معاه بس من غير ما تقول انا اسفه فقررت تتصل بيه
رايقه : صباح الخير يااستاذ جرجاوى
جوانى : ياستى جوانى ده سهل اوى
رايقه : معاليش ياسيدى المهم انت اخبارك ايه
جوانى : الحمد الله وكويس انك اتصلتى انا كنت لسه هتصل بيكى علشان تيجى معايا الشهر العقاري بكرة علشان تعمللى توكيل علشان نبدا فى اجراءات القضيه
رايقة : اوك الساعه كام ؟
جوانى : الساعه 9 الصبح علشان عندى قضيه الساعه 10.30 يادوب الحقها
رايقه : نتقابل عند الشهر العقاري الساعه 9
رايقه طبعا معجزه انها تصحى بدرى كده بس محبتش تعمل مشاكل تانيه مع جوانى واتقبلو عن الشهر العقارى
رايقه : good morning ( صباح الخير )
جوانى : بصلها شويه وحاول ميبنش انه مش فاهم وقالها طبعا انا على طول مواعيدى مظبوطه صباح الخير
رايقه : يلا بينا
دخل رايقه وجوانى على المكتب وخلصو التوكيل
جوانى : انا هسيبك بقا علشان الحق المحمكه
رايقه : ينفع اجى معاك وبعد المحكمه اعزمك على الفطار
جوانى : هو النهارده صيام انا معرفيش وبعدين احنا فين والمغرب فين
رايقه : ياسيدى الفطار اللى الناس بتاكله الصبح
جوانى : قصدك الفطور
رايقه : هتفرق يعنى
جوانى : طبعا وعلى العموم انا اللى عزمك على فطور عمرك ما هتنسيه ابدا ?
اتجه رايقه وجوانى للمحكمه وقعدت رايقه فى القاعه وكان فى زحمه جامده جدا ودخل الحاجب وقال : محكمه
كل الناس سكتت وقامت وقفت ورايقه قعدة تتفرج زى ما تكون فى السينما
جوانى غمسها انها تقف فوقت وسالت جوانى
رايقة : هى الناس واقفت لما الراجل زاعق ليه هما خايفين ولا ايه ؟
جوانى : لا ياستى بعدين افهمك اسكتى دلوقتى
رايقه : اوك
الحاجب : قضيه رقم 1 الاستاذ حمدى مسعود ضد السيدة : عليه السيد
القاضى : الدفاع
جوانى : جوانى صميده حاضر عن المدعيه عليه السيد
القاضى : اتفضل يااستاذ
جوانى : ياسيادة القاضى احنا بنطلب الطلاق لان بشهادة الشهود ان الزوج رغم مكانته العلميه الا انه يضرب زوجته باستمرار
رايقه زى الصاروخ : انا لازم تعدمه يامستر ده مش تصرف جنتل مان انه يضرب مراته
القاضى : انتى مين ؟
رايقه بكل براءة وثقة : انا رايقه جايه هنا اتفرج
القاضى : هو انتى جايه المسرح ولا السينما اطلعى بره
رايقه : بس انا معمليتش حاجه
القاضى : هتطلعى بره ولا احبسك
رايقه قامت من مكانها ناحيه الباب وهى بتبص لجوانى وهو لا كانه شافها قبل كده
بعد 10 دقائق خرج جوانى من قاعه المحكمه وراح لرايقه لقها قاعده وبتقوله
رايقه : انت ازاى تسيب القاضى يخرجنى وانا بتفرج انت لازم تحبسه
جوانى : على اساس انى وزير ولا ظابط وبعدين احمدى ربنا انه خرجك بره محبسكيش
رايقه : يلا بينا على on the run to have breakfast?
جوانى : عموما فى صيدليه قريبه من هنا نعدى نجبلك اللى قولتى عليه ده ونروح نفطر معاكى الروشته علشان انا محفظتيش اسمه
رايقه بنفاذ صبر : ده مش دواء ده اسم مكان نفطر فين
جوانى : احنا اتفقنا انى انا اللى هفطرك
وانطلق جوانى بعربيته هو ورايقه الى السيدة زينب وجنب اشهر عربيه فول هناك وقف
رايقه : انت رايح فين
جوانى : اصبرى على رزقك
رجع جوانى ومعاك صنيه عليها طبقين فول وبيض مسلوق وبتجان مقلى و10 ارغفه عيش وطبعا البصل
رايقه : انا مستحيل اكل الاكل ده
جوانى : براحتك انا جعان ولسه هيضرب اول لقمه
رايقة : انا عايزه عصير اى حاجه canned
جوانى : يعنى ايه ??
رايقه : يعنى عصير متعرفيش العصير
نزل جوانى ورجع معاه كيس بلاستيك فيه عصير قصب وفيه شلموه
رايقه : ده ايه ده
جوانى : ده عصير قصب بالهنا والشفاء
رايقة فتحت باب العربيه ووقفت تاكسى وسابت جوانى واقف ماسك كيس العصير ومش فاهم ولا عارف هو عمل ايه زعلها كده .......................... نشوفكم الحلقة الجاية

روعه منتظره الجديد يا قمر

جميلة جدااااا
مستنية الباقى اوعى تتأخرى.....

الحلقة الخامسه
البولينج
جوانى دائما حاسس انه مش قادر يكسب رايقه مع انه معجب بيها جدا وحاسس كمان انها عندها نفس الشعور بس كل لما يجى يعمل حاجه تبوظ منه مش عارف ليه وعلشان كده قرر ياخد راى واحد صاحبه علشان يعرف يتعامل ازاى معها علشان يكسبها ولما دور فى دماغه على صاحب مالقاش غيره ايهاب اللى معاه فى المكتب وكمان ايهاب خاطب وبيحب خطبيته جدا هو ده ياجوانى اللى ينفع
جوانى : صباح الخير ياايهاب
ايهاب : صباح الخير ياعم جوانى
جوانى : ازيك وازى جماعتك
ايهاب : جماعه ايه ؟
جوانى : خطبيتك ياايهاب
ايهاب : كويسه الحمد الله J مالك ياجوانى حاسس انك عايز تقول حاجه
جوانى : الصراحه انا معجب بواحده جدا بس حصلت شويه مواقف خلت الامور صعبه حبيتن
ايهاب : احكى
وحكى جوانى القصه كلها لصحه وايهاب عمال يضحك كانه بيسمع اسماعيل ياسين ولما جوانى خلص كلام سكت علشان يعرف راى ايهاب
ايهاب : ياراجل يامفترى حد عاقل يعمل كده
جوانى : انا عمرى فى حياتى ما كلمت بنت غير اخواتى وانت عارف الصعيد غير مصر .
ايهاب اولا انت لازم تنسيها العك اللى انت عكيته ده وتتصل تتعذر وتعزمها فى اى مكان هى تختاره مهما كان وتحاول تراقب الناس اللى حواليك وتتصرف زيهم
جوانى : حاضر اما اشوف اخرتها
جوانى : الو ازيك يااستاذه رايقه
رايقه باستغراب : الله يسلمك يااستاذ جوانى
جوانى بشجاعه :انا متاسف جدا على موقف العصير واتمنى متكونيش زعلانه
رايقه : لا ابدا no problem
جوانى : طيب انا كنت عايز اشوف حضرتك علشان نتاقش فى شويه نقط بخصوص القضيه
رايقه : انا النهارده رايحه العب بولينج ممكن نتقابل هناك الساعه 8 بالليل
جوانى : وده بتلعبيه فين
رايقه : مركز البولينج الدولى مدينه نصر
جوانى : اتفقنا
ايهاب : كده كويس جدا طبعا انت عارف البولينج ومظنيش هيكون فى مشكله
جوانى : طبعا طبعا
جوانى لبس البدله الحكلى اللى دائما وشها حلو عليه وراح نادى البولينج جه يدخل قالو لازم تذكرة
جوانى : ياسيدى انا مش داخل العب انا هقابل ناس بس
الامن : يااستاذ النظام هنا كده
جوانى : خلاص ياسيدى كام
الامن : 50 جنيه
جوانى : ليه هو انا هعلب مع المنتخب ولا حسن شحاته اللى هيلعب معايا دى سرقة
وابتدى جوانى يفقد اعصابه لكن وسط ده كله افتكر ان رايقه ممكن تكون جايه تشوفه كده هيبقى شكله نص كم خالص وقطع التذكرة ودخل وهو مش عارف المكان وكل اللى سمعه حاجات بتخبط فى بعض هما بيدربو على الحرب هنا ولا ايه المهم بمساعده اهل الخير جوا المركز دخل صاله اللعب وهو داخل وقفه شاب وسيم كده وقاله
الشاب : مساء الخير يافندم
جوانى : يسعد مساك
الشاب : حضرتك هتلعب صح
جوانى : طالما دفعنا ال50 جنيه هنلعب انشاله استغمايه
الشاب : اقلع الجزمه حضرتك
جوانى : نعم انت بتهزر
الشاب : يااافندم اقلع الجزمه وادهانى
جوانى : هو انتم هتمودنى على رجلى ولا ايه ولا رشين الارضيه
الشاب بنفاذ صبر : يااستاذ القواعد هنا كده اللى يدخل يدانا جزمته ويلبس الكوتشى ده
جوانى بص على الكوتشى لقاه كوتشى احمر برباط عادى
جوانى : انا عايز تاخد منى جزمه ب 150 جنيه وتدينى كوتشى باتا ب 25 جنيه وبعدين ده حريمى وجوانى ابن صميده راجل طول عمره
الشاب : يامحترم انت هتلعب بس بيه وانت خارج هتاخد جزمتك تانى
جوانى : طيب لما نشوف اخرتها
جوانى لبس الكوتشى على البدله شكله كان كوميدى جدا ودخل لقى رايقه مستنياه وبتبصله باستغراب كانه كائن فضائى
رايقه : انت لبس بدله ليه انت مش هتلعب
جوانى : وماله العب هى البدله هتقول لا
رايقه : على راحتك يلا بينا
جوانى :على فين احنا لسه معقدناش
رايقه : نلعب وبعدين نشوف موضوع القضيه
واتجاه رايقه وجوانى الى اللعب
رايقه : طبعا انت عارف البولينج ؟
جوانى بثقة وهو بيفتكر نصيحه ايهاب بص حواليك واعمل زيهم : طبعا طبعا
رايقه بمكر : طب اتفضل انت الاول
جوانى بص حواليه مالقاش اى حد بيلعب وبعدين ضرب بعنينه كده لقى صف كور مرصوصه راح جايب واحده ورافعها لقها تقيل اوى قالى فى عقله طيب دى لو شوطته برجلى هتكسر رجلى اثبت ياجوانى عايز رايقه تقول عليك خريع حط الكور ة على الارض ولسه هيشوط
رايقه : استنىىىىىىىىىىىىىىىىىىىىىىىى
جوانى : فى ايه ؟
رايقه : انت هتعمل ايه ؟
جوانى : هشوط الكورة بس انتى قوليلى فين الجون بتاعنا ؟
رايقه انت متاكد انك لعبت بولينج قبل كده
جوانى بثقه : طبعا انا متربى عليه
رايقه : البولينج بتحدف الكورة بايدك ناحيه الازازيز دى
جوانى حس باحباط فظيع وكمان الجهل وعلشان بنقذ الموقف قالها
جوانى : سبحان الله اللى عندنا فى الصعيد غير ده خالص كل بلد وليه علامه بقا
جوانى شال الكورة كانه شايل شوال دقيق وراح رازعها على الارض ناحيه الازازيز جريت الكورة ووقعت ازازه واحده جوانى فرح جدا وقعد ينطط كانه جاب جون فى ماتش امريكا ومصر وخد الكاس رايقه بصتله وقالت حسبى الله ونعم الوكيل مفيش فايددددددددددددده ................................. نشوفكم الحلقة الجاية

ههههههههههه منتظرين الباقي اختي

روعه ياقمر
منتظره الجديد

روعه ياقمر
منتظره الجديد

صباح الخير والسعادة ويوم جديد مع رايقه وجوانى يارب يعجبكم




الحلقة السادسة




السينما



جوانى دايما حاسس بالذنب وانى الدنيا ملطشه معاه اوى مع انه عمل كل اللى عليه مش عارف يعمل ايه تانى كل ده دار فى عقل جوانى وهو رايح الشغل الصبح وداخل مكتبه وايهاب مستقبله بابتسامه عريضه وبيقوله .
ايهاب : tell me good news man ?
جوانى : انا مش هرد عليك علشان انت غرقتنى
ايهاب بدهشه : ليه هو حصل ايه ؟
جوانى ابتدى يحكى اللى حصل وايهاب فاتح بقه مذهول ولما جوانى خلاص كلامه
ايهاب : ايه ياراجل العك ده كله لما انت متعرفيش البواينج مسالتنيش ليه ؟
جوانى : ماهو انا الصراحه اتكسفت ولقيتك بتتكلم عنه كانه الكورة الشراب وكل واحد فى البلد عرفها مش هطلع انا اللى حمار يعنى
ايهاب : يعنى رايقه زعلت منك كالعادة
جوانى : مش عارف بس هى المرة مسبتنش ومشيت هى فضلت تحاول تعملنى البولينح لحد ما زهقت غالبا ووصلتها لحد عربيتها من غير ولا كلمه ومش عارف اعمل ايه
ايهاب : انا عندى فكرة كويسه بس انت تسمع كلامى اسمع بقا انا هنزل دلوقتى رايح المحكمه وهبعت ورد باسمك على عنوان بيتها واكتبلها كلمتين حلوين وميعاد تروحو فيه السينما اظن ده مكان مفهوش اى عك الساعه 9 كويس واحجز فى سينما جلاكسى كويسه واختار فيلم حلو كده
جوانى : هى فكرة مش بطاله حاضر
نزل ايهاب على محل الورد وكتب فى الكارت
صباح الخير على احلى ورد فى مصر انا اسف وعلشان اصالحك انا عزمك على فيلم النهارده فالسينما ايه رايك هتصل بيكى ؟
وبعت ايهاب الورد والميعاد واتصل بجوانى وقاله يتصل برايقه بعد نص ساعه ويقاولها كلمتين حلوين جوانى استنى نص ساعه واتصل برايقه
جوانى : صباح الخير يارايقه
رايقه : مرسى خالص على الورد والكلام الجميل ده انت هتخلينى اغير رايي فيك
جوانى : دى اقل حاجه لجمالك ياست الكل ويارب ننول الرضا
رايقه بضحكه خفيفه : كده بجد هغير رايي من رقتك دى ياترى هتفرجنى على فيلم ايه
جوانى احتار يقولها اختارى انتى ولا يكمل الجميل ويختار هو لكنه حسم موقفه وقالها
جوانى : الفيلم اللى القمر يقول عليه
رايقه : انا هتفرج على زوقك انت النهارده
جوانى : وانت تحت امر الملكه هستناكى الساعه 9 عند السينما
جوانى كان هيطير من الفرحه واتصل بايهاب وحكاله
ايهاب قاله : ابوس ايديك ياجوانى بلاش عك المرة دى
جوانى : عيب انا اتعلمت الدرس وبالله عليه ياايهاب احجز فى فيلم ايه احسن انا معلوماتى عن السينما ضعيفه جدا
ايهاب : عربى ولا اجنبى ؟
جوانى : مش عارف ياايهاب يااخويا
ايهاب : انا برده مش عارف ايه الافلام اللى موجوده فى السينما دى بص انت تروح هناك وتكلمنى تقولى على الافلام وانا اختارلك
جوانى : على بركه الله
جوانى روح البيت يتغدى ويريح شويه قبل معاده مع رايقه
ام جوانى : جوانى ياولدى عمالك النهارده فته كوارع تستاهل حنك
جوانى : تسلم يديك بس انا مش عايز اتقل فى الاكل ياامى عندى معاد مهم
ام جوانى : ياولدى قوم الاكل هيبرد
جوانى راح على الغدا وضرب طبق الفته المحترم مع الخل والتوم بقا ايه ودماغه تقلت بس عيب مش راضى ينام فاضل على ميعاد رايقه ساعه قوم خدلك دش والبس واتقيف ورح السينما وقعد يبص على الافلام واتصل بايهاب يقوله
جوانى : الهاتف الذى طلبته ربما يكون مغلق مش وقتك خالص
جوانى قرر يتصرف وراح على شباك التذاكر وطلع 30 جنيه
جوانى : تذكريتن وحياه ابوك لفيلم الاستاذ / كريم عبد العزيز
الراجل بيبص لل 30 جنيه كانهم اهانه : يااستاذ كمان 20 جنيه
جوانى : ليه ؟
الراجل : التذكره هنا الفرد 25 جنيه
جوانى : ليه يعنى هو انا هاخد ممثل فى جيبى وانا خارج
الراجل : هنا سينما درجه اولى
جوانى : يعنى ايه هو انا هركب القطر ولا البولمان
الراجل بنفاذ صبر : لما مش عاجب حضرتك اطلع من الصف
جوانى حس انه رقم 50 كتر معاه اوى والغرامات كترت جدا بس يعمل ايه رايقه فى الطريق وشكله هيكون وحش لو غير السينما
جوانى : هات تذكرتين ياسيدى
الراجل : تحبهم فين
جوانى : فى السينما اومال هاخدهم فى رغيف
الراجل : ياسيدى انهى صف
جوانى : هو انا لسه هقف فى صف تانى ما تخلصنى وانا هشوفك
الراجل زهق من جوانى : وحجزاله على مزاجه
جت رايقه من بعيد وهى فى كامل اناقتها ببادى احمر وبنطلون ابيض وشعر اسود ووش مبتسم اول ما جوانى شافها حس بإنبهار وقال فى باله امك دعيالك ياجوانى
جوانى : اهلا بالبدر اللى نور الدنيا
رايقه بخجل : thanks
جوانى : طبعا حجزت احلى فيلم
جوانى وهو داخل السينما ورايقه جنبه شاب بستظرف
الشاب : ياسيدى على الجمال لما يقع فى حته ابيض فى اسود
جوانى اتلفت للشاب
جوانى : انت بتستظرف ولا ايه ولسه هيمسكه من القميص طلع من وراه 4 اقل واحد فيهم يسد الباب جوانى حس ان اليوم مش بتاعه بس لو انسحب هيبقى شكله وحش اوى جمع شويه شجاعه وقال صاحبكم عايز يتربى ودى اخر كلمة قاله قبل مايشوف الوان الطيف كلها مرة واحده ... نشوفكم الحلقه الجايه

روعه يا قمر منتظره جديدك

يسلمووووووو يانونو
متتأخريش علينا فى الحلقات الجاية

الحلقه
تححححفه

الحلقه
تححححفه

طبعا انا بعتذر عن التأخير فى كتابة الحلقات لانى بكتبها حلقة بحلقة وطبعا الوقت مش بيسعفنى دايما وعلشان خاطر التشجيع ده اليكم الحلقة الجديدة .


صباح الخير على كل الناس الحلوين الفتوكات الرايقين طبعا شكرا جدا على كل المتابعين لرايقه وجوانى ونكمل الحلقة كنا توقفنا ان جوانى عزم رايقه على السينما زى ما ايهاب صحبه اقترح عليه ووقف وقطع التذكرة ووهو واقف مع رايقه على باب السينما جه شاب واستظرف وكانت النهايه انى جوانى اضرب واتكوم على الارض



الحلقة السابعة


السينما (2)


جوانى فاق شويه وبص حواليه لقى رايقه قعده جنبه وهو متكوم على الارض والناس حواليه بتحاول تفوقه
جوانى : هو ايه اللى حصل ؟
رايقه : الحمد الله انى بخير ابدا بس واحد من الشاب البايظ خبطك جامد شويه فى وشك
جوانى : طيب حد يقومنى وقام جوانى هو انا ليه حاسس ان وشى مورم شويه وعنينه مش عارفه افتحها
رايقه : دى تهويات بس من الخبطه انت كويس خالص تعال اوصلك علشان تروح
جوانى : انا كويس خالص مش هنفرج على الفيلم ولا ايه انا قاطع التذاكر
رايقه : بس انت تعبان ولازم تروح ترتاح
جوانى : والله ابدا طالما جينا السينما يبقى لازم نتفرج على الفيلم
ودخل جوانى ورايقه السينما وقعدو فى اماكنهم وابتدى الفيلم
جوانى : انا اسف من الخناقه اللى حصلت بره
رايقه : ولا يهمك ده شباب مش مؤدب
سكت جوانى وقعد يتابع الفيلم
رايقه :وهى مش باصه لجوانى : عارف ياجوانى انت انسان غريب اوى او بمعنى اصح عمرى ما شوفت زيك فى تصرفاتك وحياتك وشكلك ويمكن ده اللى مخلينى معجبه بيك رغم كل مواقفك معايا واد ايه انا حبيتك واتخضيت عليك لما اتخنقت علشانى واضربت متزعليش منى يعنى بجد فى كلام كتير عايزه اقوله بس مش لقيه لسه تفسير محدد لعلاقتى بيك انت ايه رايك ؟
رايقه : انت مش بترد عليه ليه وبصت ناحيته لقيته فى سابع نومه طبعا الفته مع العلقه اشتغلو وجوانى فى سابع نومه رايقه طبعا اتغاظت منه وكان نفسها تخطبه باى حاجه بس صعب عليها انه لسه مضروب من اربعه من دقائق سكتت وقعدت تتابع الفيلم وكلها خيبه امل انه مسمعيش ولا كلمه من كلامها وفى اخر الفيلم جوانى صحى
جوانى : يارب يكون الفيلم عجبك ياقمر
رايقه : طبعا وانت ايه رايك فى الفيلم ؟
جوانى : حلو بجد
رايقه : يلا بينا نقوم اوصلك
وقامو رايقه وجوانى وهما خارجين من باب السينما
الشاب بتاع الخناقه : الحته الابيض واسود لسه عايشه والله شغل زمان ده بيعيش ويستحمل
جوانى : انت محرميتش من العلقه الاولنيه
الشاب : على اساس مين فينا اللى مورم
رايقه : جوانى يلا بينا نمشى بليز
جوانى : ده غلط ولازم يتربى
الشاب : انت اللى جبته لنفسك خد
جوانى : اااااااااااه ياعينى الشمال
رايقه وقفه قدام الشاب
رايقه : حرام عليك بقا انت ايه ديناصور واخدت جوانى بمساعده ناس من السينما وحطيته فى العربيه وروحته لحد البيت ........................... نشوفكم الحلقه الجايه

صباح الخير عليكى يانونو
حلقة جميلة قوى متتأخريش علينا تاااااااااانى

لا يا قمر طبعا مش هتأخر
اتفضلي
لكن انا زعلانه منكم اوي عدد الرود بتكون قليلة جدا لكن بنزل الحلقات علشان خطركم
اوكي اتفضلي يا قمر
لكل الفتوكات اللى بيسالو عن الحلقات الجديدة انا زى ما بقولكم بكتب حلقة بحلقة وده مش سهل وعلشان خاطركم كتبت الحلقة الجديدة وياريت مش تنسو التقيم والى المعتصمه بالله ياستى حقك عليه انى علقتك فى الهوا وواعدك هحاول انزلك حلقتين جداد مرتين فى الاسبوع ايه رايك ؟اسيبكم بعض مع الحلقة الجديدة .
-----------------------------------------------------------------------------------------------------------------------------------------------------------

طبعا جوانى بعد اخر علقة قعد فى البيت اسبوع على ما كل المطبات الصناعى اللى فى وشه اتظبطت هو اه اتكسر بس على الاقل صعب على رايقه وحس من عنيها أنه أتخضيت عليه يعنى خطوه مش بطاله للاما علشان كده قرر يقرب أكتر منها ويعرفها على العيله .


الحلقة الثامنه

القناطر

جوانى قعد يكلم الحاجه ام جوانى واخواته على حلاوة رايقه وجمالها ولا رقتها وام جوانى بقلب الام عرفت انه بيحبها بس زى عادته مش عارف يقول ولا يتكلم فقررت انها تساعده بطريقتها .

أم جوانى : انا شايفه ياولدى ان البنت عجباك ؟
جوانى : والله ياامى هى تعجب اى حد يشوفها
أم جوانى : ايه رايك ياولدى لو تعزمها تروح معانا رحلة القناطر مع اخواتك يوم الجمعه الجاية ؟
جوانى : والله فكرة واهو برده تتعرفو عليها
أم جوانى : طبعا
جوانى اتصل برايقه علشان يعزموها
جوانى : الو صباح الفل على احلى وردة
رايقة : صباح النور اخبار وشك ايه
جوانى : الحمد الله انا بس مرديتش اتهور على الواد ده علشان انتى كنتى معايا عارفه لو لوحدى كنت خليته حتت
رايقه بضحكه خفيفيه : طبعا انا متاكده من كده
جوانى : انتى فاضيه يوم الجمعه الجاية الصبح
رايقة : اه ليه ؟
جوانى : اصل عملك مفاجاة صغيرة كده يارب تعجبك
رايقه : مفاجاة ايه ؟
جوانى : اصبري وانتى تعرفى نتقابل يوم الجمعه الساعه 8 الصبح هتقضى يوم عمرك ما هتنسيه اوعى تتاخرى
وقبل ما رايقه تساله عن اى حاجه قفل الخط وسبها محتارة
وجه يوم الجمعة ومن يوم الخميس وعيله جوانى بتستعد للرحلة من اكل وشرب والذي منه وحجز جوانى على الباخرة ووصلو كلهم لمكان التحرك مستنين يشوفو القمر اللى بيحكى عنه جوانى وظهرت رايقه ببنطلون جينز ازرق وبادى ابيض رقيق كانت فعلا بدر منور.
رايقه : صباح الخير
جوانى : صباح الفل على البدر المنور احب اعرفك الاول سهى اختى فى تانيه كليه تجارة وماجد تالته اعداى والحج او الحاجه .
رايقة طبعا اتكسفت جدا ووشها احمر مما زدها جمال
ام جوانى : ازيك يابنتى صحيح بدر منور زى ما قال والدى
رايقة : مرسى خالص ياطنط
أم جوانى : طبعا يابنتى وماله كله موجود
رايقة بصيت لجوانى
ام جوانى : احنا جايبيتن كل الاكل وكل حاجه متشليش هم
رايقة ضحكت وركبو كلهم المركب اللى رايقة اول مرة فى حياتها تركبها وشايفه انها مغامرة كبيرة بالنسبه ليها .
وعلى الباخرة جوانى لاقى ان النيل والجو الجميل ده يساعد انه يقول لرايقة الكلام اللى فى قلبة لاقها واقفه بتبص على النيل فقرب منها
جوانى : الجو جميل اوى النهارده والاجمل انك موجودة وبمناسبه كده انا فى قلبى كلمتين عايز اقولهم انا من أول يوم شوفتك فيه وانتى لمستى قلبى حسيت انا لقيت حاجة كانت تايهه منى وكل لما كنت بشوفك بكون عايز اقولك انى معجب بيكى بس الظروف كانت بتعاكسنى جامد اوى ياترى انتى حاسه بيه ؟
رايقه مفيش حاجه اتغيرت فى وقفتها ولا حتى التفتيت ليه
جوانى : انتى زعلتى من كلامى ولا ايه
رايقه برده مفيش رد
جوانى : رررررررررررررررررررررايقة
رايقه اتخضيت وشدت سماعات mp3 من ودنها وقالتله
رايقه : فى ايه ياجوانى فزعتنى
جوانى : هو انتى مكنتيش سمعانى
رايقه بمكر : هو انت كنت بتقول حاجه
جوانى بخيبه أمل : لا ابدا
رايقة : هو احنا مش هنفطر ولا ايه
جوانى : انتى جوعتى ياقمر
رايقه بكسوف : اه بس بلاش تقولى فطار من بتوعك
جوانى : على فكرة قلبك اسود اوى
جوانى جرى على الحاجه وقالها
جوانى : مفيش اى حاجه خفيفه للفطار
ام جوانى : ما انا معرفيش ايه الخفيف بتاعها
جوانى : معاكى جبنه
ام جوانى : طبعا
جوانى : اعملى سندويتش
ام جوانى عملت نص رغيف عيش بلدى محترم ومونته جبنه واديته لجوانى
جوانى : اتفضلى ياقمر
رايقة اتلتفت وبصيت للسندويتش باستغراب وقالتله
رايقة : ايه ده ؟
جوانى : حاجه خفيفه ومعروفه اهو جبنه فى عيش من خبيز الحاجه
رايقة : مفيش عيش فينو ؟
جوانى بحنان : دوقية وصدقينى هيعجبك اوى
رايقة : اوك
رايقة اكلت السندويتش وحسيت انه فعلا حلو وبصيت لجوانى وقالتله
رايقه : الاكل بتاع مامتك حلو اوى
جوانى بثقة : انتى لسه شوفتى حاجه ده انا الحاجه .....................طاااااااااااااااااااااخ ......................يتتبع

نشوفكم الحلقة الجاية

حلقة حلوووووة اوى
بس كنت عايزة اعرف ايه اللى حصل بعد كدة
بس ياريت متتأخريش علينا ياقمر............

اوكي اهيه اتفضلوا

طبعا صباح الخير والسعادة والمظاهرات الى بتتطالب بالحلقات الجديدة طبعا وحشتونى والنهارده حلقة جديدة من رايقة وجوانى



الحلقة التاسعة




القناطر (2)


طااااخ ده صوت دماغ جوانى لما خبطت فى كوبري امبابه من كتر لما كان بيتفرد وهو بيشكر فى طبيخ الحاجه مخديتش باله ان الباخرة معديه من تحت كبري وهو فى الدور اللى فوق طبعا اغمى عليه .
رايقة : جوانى الف سلامه عليك هو انت ايه بتنشن على الاذيه لنفسك ؟


جوانى : مش بيرد
رايقة : جوانى رد عليه انت مت ولا ايه ايه الحظ ده ؟

جوانى : .....................................

طبعا والده جوانى واخواته طلعو جرى وهما شايفين جوانى متكوم على الارض راحت الحاجه ام جوانى نادهت على بنتها

ام جوانى : سهى هاتيلى فحل بصل من الشنطة اللى تحت ؟
رايقة واقفه مستغربه جدا وبتقول فى عقلها
رايقة : مين فحل ده ؟ البصل معروف هلى الفحل ده الراجل بتاع البصل عموما دلوقتى اشوف ؟
سهى جابت البصل وجت بسرعه ام جوانى اخدت البصل ودشتها ومن اول نفس جوانى فاق
ام جوانى : حمد الله على سلامتك يابنى
جوانى : هو انا كنت مسافر ولا ايه وليه الناس متلميه كده ورايقة روحت ولا ايه ؟
رايقة ظهرت من وسط الناس بتقولة
جوانى : سلامتك ياجوانى ؟
جوانى سرح فى سلامتك اللى كلها حنية دى حتى انه مرديش عليه خالص وفضل واقف زى تمثال الشمع
رايقة : انت سامعنى ؟
جوانى وهو سرحان : طبعا ؟
وصلت الباخرة للقناطر وابتديت الناس تنزل وجوانى كان حريص جدا فى كل خطواته مش ناقصة مواقف تانى
رايقة : فين بقا الكافتيريا اللى هنقعد فيها ؟
جوانى : كافتيريا ايه بس اصبري
رايقة : ماشيه فى صمت حاسه انها فى قارة تانيه
جوانى حس بيها بسرعه قالها
رايقة : تحبى نتمشى شويه
رايقه : plz
جوانى : اطمنى مش هنبعد بعيد عقبال بس ما الحاجه واخواتى يفرشو ويجهزو الغدا
رايفة : يفرشو فين وغدا ايه ؟
جوانى : اصبري بس مش بقولك مفاجاة
جوانى أخد رايقه يتمشو اهى فرصه يتكلم معها يادب لسه بيقولها
جوانى : رايقة انا ؟
رايقة : موافقة يلا نركب عجل
جوانى بستغراب : عجل ؟؟؟؟؟؟؟؟؟؟؟؟؟؟
رايقة : انت مش بتعرف تركب عجل ولا ايه
جوانى باضطراب : لا طبعا بعرف
رايقة : يلا بينا
رايقة : اختارت عجله معقوله وحظ جوانى جه فى عجله تحفه كبيره اوى غير انى جوانى سواقته للعجل مش اد كده
ركبو العجل
رايقه : عارف ياجوانى سواقه العجل حلوه اوى
جوانى وهو بيجاهد مع العجله علشان ميقعيش : اكيد طبعا مش مهم العجل المهم الصحبه اللى مع العجل
رايقة اتكسفت : مرسى
جوانى بفرح ياحلاوة ياولاد وغمض عينه وهو سايق فتحه عينه لقى نفسه قصاد عربيه حاول يفرمل العجله مفهاش فرامل باعلى صوته وهو متجه ناحيه الميه
جوانى : اوعى وووووووووووووووووووووووووووشك معيش فرامل طشششششششششششششش
رايقه وقفة العجلة : وبصيت على جوانى اللى غطس مقبش وقعدت تنادى
رايقة : جوووووووووووووووووانى
جوانى وهو مبتسم متخفيش انا موجود بس كنت بحلول انقذ العجلة معرفتيش
اهل الخير طلعو جوانى من الميه ورجعو عجله رايقة ودفعو تمن عجلة جوانى ورجعو للولدة واخواته وجوانى غارقان ميه
ام جوانى : ايه ياوالدى اللى بللك كده ؟
جوانى : متحطيش فى بالك دى عربيه طرطش عليه
ام جوانى بعدم تصديق : ليه هى العربيه كانت سحباك تحتيها
جوانى : خلاص ياحاجه
رايقه وطت على جوانى وقالتله
رايقة : فى ريحه جثة ميته وغفنت ظ
جوانى بص حواليه : ياسيدتى جثة ايه ومعفنه ايه ده فسيخ
رايقه : هو الريحه دى من الاكل اللى هناكل منه
جوانى : لا طبعا احنا ارقى من كده ده تصرف غير متحضر . فين الغدا ياحاجه
ام جوانى فتحته الشحنه عن حله محترمه من المحشى واطباق وملاعق
رايقة بعصبيه : انا مروحه انا استحاله اكل كده فى مكان عام
جوانى : ليه ياستى ده محشى بتاع الرحلات عادى
رايقه بعناد : انا مروحه
ووقف جوانى وهو مبولول وطبق المحشى فى ايديه ومش عارف يعمل ايه وبيقول فى عقله قولتلك ياحاجه مشيها صنينه مكرونه بالباشميل قولتى المحشى اى مشيت عااااااااااااااااااااااااااااااااا ............................. نشوفكم الحلقة الجاية

طبعا صباح الخير والسعادة والمظاهرات الى بتتطالب بالحلقات الجديدة طبعا وحشتونى والنهارده حلقة جديدة من رايقة وجوانى



الحلقة التاسعة




القناطر (2)


طااااخ ده صوت دماغ جوانى لما خبطت فى كوبري امبابه من كتر لما كان بيتفرد وهو بيشكر فى طبيخ الحاجه مخديتش باله ان الباخرة معديه من تحت كبري وهو فى الدور اللى فوق طبعا اغمى عليه .
رايقة : جوانى الف سلامه عليك هو انت ايه بتنشن على الاذيه لنفسك ؟


جوانى : مش بيرد
رايقة : جوانى رد عليه انت مت ولا ايه ايه الحظ ده ؟

جوانى : .....................................

طبعا والده جوانى واخواته طلعو جرى وهما شايفين جوانى متكوم على الارض راحت الحاجه ام جوانى نادهت على بنتها

ام جوانى : سهى هاتيلى فحل بصل من الشنطة اللى تحت ؟
رايقة واقفه مستغربه جدا وبتقول فى عقلها
رايقة : مين فحل ده ؟ البصل معروف هلى الفحل ده الراجل بتاع البصل عموما دلوقتى اشوف ؟
سهى جابت البصل وجت بسرعه ام جوانى اخدت البصل ودشتها ومن اول نفس جوانى فاق
ام جوانى : حمد الله على سلامتك يابنى
جوانى : هو انا كنت مسافر ولا ايه وليه الناس متلميه كده ورايقة روحت ولا ايه ؟
رايقة ظهرت من وسط الناس بتقولة
جوانى : سلامتك ياجوانى ؟
جوانى سرح فى سلامتك اللى كلها حنية دى حتى انه مرديش عليه خالص وفضل واقف زى تمثال الشمع
رايقة : انت سامعنى ؟
جوانى وهو سرحان : طبعا ؟
وصلت الباخرة للقناطر وابتديت الناس تنزل وجوانى كان حريص جدا فى كل خطواته مش ناقصة مواقف تانى
رايقة : فين بقا الكافتيريا اللى هنقعد فيها ؟
جوانى : كافتيريا ايه بس اصبري
رايقة : ماشيه فى صمت حاسه انها فى قارة تانيه
جوانى حس بيها بسرعه قالها
رايقة : تحبى نتمشى شويه
رايقه : plz
جوانى : اطمنى مش هنبعد بعيد عقبال بس ما الحاجه واخواتى يفرشو ويجهزو الغدا
رايفة : يفرشو فين وغدا ايه ؟
جوانى : اصبري بس مش بقولك مفاجاة
جوانى أخد رايقه يتمشو اهى فرصه يتكلم معها يادب لسه بيقولها
جوانى : رايقة انا ؟
رايقة : موافقة يلا نركب عجل
جوانى بستغراب : عجل ؟؟؟؟؟؟؟؟؟؟؟؟؟؟
رايقة : انت مش بتعرف تركب عجل ولا ايه
جوانى باضطراب : لا طبعا بعرف
رايقة : يلا بينا
رايقة : اختارت عجله معقوله وحظ جوانى جه فى عجله تحفه كبيره اوى غير انى جوانى سواقته للعجل مش اد كده
ركبو العجل
رايقه : عارف ياجوانى سواقه العجل حلوه اوى
جوانى وهو بيجاهد مع العجله علشان ميقعيش : اكيد طبعا مش مهم العجل المهم الصحبه اللى مع العجل
رايقة اتكسفت : مرسى
جوانى بفرح ياحلاوة ياولاد وغمض عينه وهو سايق فتحه عينه لقى نفسه قصاد عربيه حاول يفرمل العجله مفهاش فرامل باعلى صوته وهو متجه ناحيه الميه
جوانى : اوعى وووووووووووووووووووووووووووشك معيش فرامل طشششششششششششششش
رايقه وقفة العجلة : وبصيت على جوانى اللى غطس مقبش وقعدت تنادى
رايقة : جوووووووووووووووووانى
جوانى وهو مبتسم متخفيش انا موجود بس كنت بحلول انقذ العجلة معرفتيش
اهل الخير طلعو جوانى من الميه ورجعو عجله رايقة ودفعو تمن عجلة جوانى ورجعو للولدة واخواته وجوانى غارقان ميه
ام جوانى : ايه ياوالدى اللى بللك كده ؟
جوانى : متحطيش فى بالك دى عربيه طرطش عليه
ام جوانى بعدم تصديق : ليه هى العربيه كانت سحباك تحتيها
جوانى : خلاص ياحاجه
رايقه وطت على جوانى وقالتله
رايقة : فى ريحه جثة ميته وغفنت ظ
جوانى بص حواليه : ياسيدتى جثة ايه ومعفنه ايه ده فسيخ
رايقه : هو الريحه دى من الاكل اللى هناكل منه
جوانى : لا طبعا احنا ارقى من كده ده تصرف غير متحضر . فين الغدا ياحاجه
ام جوانى فتحته الشحنه عن حله محترمه من المحشى واطباق وملاعق
رايقة بعصبيه : انا مروحه انا استحاله اكل كده فى مكان عام
جوانى : ليه ياستى ده محشى بتاع الرحلات عادى
رايقه بعناد : انا مروحه
ووقف جوانى وهو مبولول وطبق المحشى فى ايديه ومش عارف يعمل ايه وبيقول فى عقله قولتلك ياحاجه مشيها صنينه مكرونه بالباشميل قولتى المحشى اى مشيت عااااااااااااااااااااااااااااااااا ............................. نشوفكم الحلقة الجاية

يسلموووو يانونو الحلقة كانت حلوة خالص....

انا زعانه جدا و احتمال مكملش ايوميات علشان الناس اللي بتدخل قيلين جدا

الحلقة العاشرة
فرايديز

هو الدنيا ملطشه معاك ليه ياجوانى ولا انا اللى فجاة الدنيا بقيت غريبه عليه او يمكن اول مرة احب ؟ طيب لو انا حبيت اخد اقصر طريق لقلبها بدل ما انا بقالى 6 شهور مش عارف اقولها بحبك ادخل البيت من بابه بس اخطبها ازاى وانا معرفيش اذا كانت موافقة ولا لا ؟ يادى الحيرة كل الكلام ده دار فى عقل جوانى وهو قاعد فى اوضته ولاول مرة فى حياته يحس انه مش عارف يتصرف او يعمل حاجه على راي اسماعيل ياسين الحب بهدله ؟وسط ده كله
( لكن انت ياعمرى غير طبعا ياحياتى غير ) دى رنه تليفون جوانى وطبعا مين المتصل رايقه حلم العمر جوانى قعد يفكر اول مرة تتصل بيه من يوم موقعه القناطر من اكتر من اسبوع ياترى خير حسم امره ورد على الموبيل بكل هدوء .
جوانى : الو
رايقة : good evening
جوانى : لا ابدا انا كنت صاحى
رايقة : انا بقولك مساء الخير ياجوانى
جوانى : يسعد مساكى
رايقة : ازيك اخبارك ايه ؟
جوانى : بخير طول مانتى بخير
رايقة : اعتقد اننا محتاجين نتكلم مع بعض شويه
جوانى ( بفرحة ): ياريت
رايقة : بس بعد اذنك انا اللى هختار المكان
جوانى : ومالة معنديش مانع اى مكان معاكى جنة J
رايقة : تعرف فرايديز ؟
جوانى فرح جدا انه عرف الكلمه دى لان اخته كل شويه تقوله فرايدى يعنى يوم الجمعه
جوانى : لسه هستنى ليوم الجمعه النهارده لسه الاتنين
رايقة بنفاذ صبر : ياجوانى فرايديز ده مطعم على النيل فى الجيزة
جوانى بكسوف : حاضر هسال عليه
رايقة : نتقابل هناك الساعه 8 بالليل بكرة كويس
جوانى : كويس جدا
رايقة : see you
جوانى : الله يسلمك
جوانى بعد ما قفل طبعا كان هطير من الفرحه فرصة وقعت من السما مش لازم يضيعها لازم ياخد منها ميعاد بكرة علشان يخطبها مش هيستنى اكتر من كده ولازم كمان يغير من نفسه مش هيلبس البدله الكحلى تانى لانها نحس جوانى قبل الميعاد بساعه حلق دقنه ولبس الحته الكلاسيك قميص شيك وبنطلون اسود والبرفان عريس ليله دخلته قرب على المكان لقى المكان فاضى ورايقة واقفه مستنياه قمر منور كالعادة بس باين فى حد بيعاكسها جوانى جرى
جوانى : فى حاجه يااستاذ
الشاب : شىء ميخصكيش
جوانى : انت قليل الادب
الشاب: انت بتقول ايه طااااااااااااااااااااااااااخ
جوانى : لالالالالالا وشى تانى حراااااااااااااااااااااااااااااااااااام
جوانى صحى من النوم مفزوع هو فى ايه حتى الحلم مليش حظ فيه انا وشى ورم من الضرب مش هضرب تانى دى كوابيس اهدى ياجوانى
جوانى صحى من النوم وهو مش متفاؤل خالص والحلم مسيطر عليه طول النهار ولحد لما جه الميعاد ظبت نفسه وحلق دقنه وحاول قدر الامكان يطرد الحلم ده من دماغة ووصل المكان قبل رايقة وفضل واقف مستنى لحد ما القمر ظهر رايقة فى فستان رقيق ابيض زادها نور وجمال ليك حق ياجوانى قلبك يتعلق بالقمر
جوانى : عارفه انتى زى الجبنه القديمه كل يوم تحلو
رايقة بابتسامه : جبنه قديمه متشكرة ياسيدى يلا بينا
دخلو المكان وجوانى اتنفس من قلبه الحمد الله مفيش حد ضربة واختارت رايقة ترابيزه على النيل من خلال شباك زجاجى وابتدى الكلام
جوانى : الجميل يشرب ايه
رايقة : عصير مانجا
الحمد الله الويتر جه بسرعه ومن نفسه واخد طلباتهم
جوانى : اولا بعتذر على مجموع المواقف اللى اتعملت فى الفترة اللى فاتت صدقينى انا بحاول اسعدك وبحاول اخلق اى فرصة اتكلم فيها معاكى بس مكنيش فى نصيب للكلام شوفى يابنت الناس انا معجب بيكى جدا ومش هكدب عليكى حبيتك من اول يوم شوفتك فيه حسيت معاكى بحاجات كتير حلوه بصرف النظر عن الضرب اللى انا اكلته .
رايقة ابتسمت بهدوء ابتسامه زودت وشها نور وجمال
جوانى : وعلشان كده احب اعرف رايك علشان الكلام يكون فى الاتجاه الصح
رايقة وشها احمر جدا من الخجل بس استجمعت شجاعتها وقالت
رايقة : احم انا مش عارفه ااقول ايه بعد كلامك ده بس انا كمان فى حاجه جوايا ناحيتك بس مش قادرة احددها يمكن انت حد اول مرة اقابله فى حياتى حياتك وتصرفاتك غير اى حد شوفته حقيقي مش عارفة .
جوانى : افهم من كلامك انك موافقة مبدائيا على الأرتباط بيا
رايقة : ارتباط ؟؟؟؟؟؟؟؟؟؟
جوانى : طبعا لازم كل حاجه تبقى فى النور
رايقة : مش شايف انك متسرع شويه فى موضوع الارتباط ده ؟
جوانى : رايقة انا عايز الحق افرح معاكى انتى كل دنيتى دلوقتى انا كنت حاسس انى هموت قبل ما اقولك بحبك
رايقة بلهفه : متقوليش كده كلها مواقف صغيرة
جوانى : انا مستعد اموت بس اسمع منك كلمه حلوة انتى غاليه عندى اوى
رايقة : انا من رايي تيجى الفيلا عندنا تتعرف على بابا وتتكلمو سوا
جوانى : موافق حددى ميعاد وقوليلى
رايقة : اول يلا بينا احسن انا اتاخرت
جوانى طلب الحساب هو اه دفع 50 جنيه بس كان مبسوط اوى اخيرا قالها بحبك وهو كمان بتحبه يافرحه قلبك ياجوانى
جوانى : انتى راكنه عربيتك فين
رايقة : قدام شويه
جوانى : ممكن اوصلك لحد العربيه لو مش يضايقك
رايقة : ابدا خالص
وهما ماشين وفجاه واحد عدى بسرعه خطفت شنطه رايقة رايقة صرخت حرامى ىىىىىىىىىى ودى كانت كفايا انى جوانى ينطلق وراء الحرامى
جوانى : ايه ياعم براحه شويه انت بتجرى الاولمبيات انا كده هيجيلى القلب
الحرامى فضل يجرى لحد ما جوانى كان هيموت ووضع جوانى صعب على واحد فى الشارع شنكل الحرامى ةوقع الحرامى على الارض وجوانى هجم عليه ومسكه بيقوله
جوانى : يعنى انت مش لقى غير النهارده ده انا مصدقت يوم يعدى كويس انت ايه موصفلى
الحرامى : ابوس ايديك يابيه
جوانى : تبوس ايدي ده انت كنت هتجبلى القلب من كتر الجرى ده انا هموتك بس اخد نفسى بس .
فى اللحظه دى وصلت رايقة ومعاه الظابط
الظابط : سيبه يااستاذ احنا هناخده
جوانى : مش هسيبه انا لازم اموته
الظابط : خلاص يااستاذ هدى نفسك
جوانى ساب الحرامى على عينه كان عايز يضربه كان نفسه رايقة تشوفه وهو بيضرب الحرامى بدل ما كل مرة يضرب بس حتى دى ملوش حظ فيها
جوانى بص لرايقة : محديش يقدر ياخد حاجه من جوانى ابن صميده اتضفلى ياقمر مصر والدنيا كلها
رايقة : مرسى ياحبيبي .............................. نشوفكم الحلقة الجاية

انا زعلانه منكم اوي علشان الردود قليلة بس انا بنزلها علشان خطركم بس

منتظره نونو
الحلقه الجديده

معلش اتأخرت عليكم

الحلقة العاشرة
فرايديز

هو الدنيا ملطشه معاك ليه ياجوانى ولا انا اللى فجاة الدنيا بقيت غريبه عليه او يمكن اول مرة احب ؟ طيب لو انا حبيت اخد اقصر طريق لقلبها بدل ما انا بقالى 6 شهور مش عارف اقولها بحبك ادخل البيت من بابه بس اخطبها ازاى وانا معرفيش اذا كانت موافقة ولا لا ؟ يادى الحيرة كل الكلام ده دار فى عقل جوانى وهو قاعد فى اوضته ولاول مرة فى حياته يحس انه مش عارف يتصرف او يعمل حاجه على راي اسماعيل ياسين الحب بهدله ؟وسط ده كله
( لكن انت ياعمرى غير طبعا ياحياتى غير ) دى رنه تليفون جوانى وطبعا مين المتصل رايقه حلم العمر جوانى قعد يفكر اول مرة تتصل بيه من يوم موقعه القناطر من اكتر من اسبوع ياترى خير حسم امره ورد على الموبيل بكل هدوء .
جوانى : الو
رايقة : good evening
جوانى : لا ابدا انا كنت صاحى
رايقة : انا بقولك مساء الخير ياجوانى
جوانى : يسعد مساكى
رايقة : ازيك اخبارك ايه ؟
جوانى : بخير طول مانتى بخير
رايقة : اعتقد اننا محتاجين نتكلم مع بعض شويه
جوانى ( بفرحة ): ياريت
رايقة : بس بعد اذنك انا اللى هختار المكان
جوانى : ومالة معنديش مانع اى مكان معاكى جنة J
رايقة : تعرف فرايديز ؟
جوانى فرح جدا انه عرف الكلمه دى لان اخته كل شويه تقوله فرايدى يعنى يوم الجمعه
جوانى : لسه هستنى ليوم الجمعه النهارده لسه الاتنين
رايقة بنفاذ صبر : ياجوانى فرايديز ده مطعم على النيل فى الجيزة
جوانى بكسوف : حاضر هسال عليه
رايقة : نتقابل هناك الساعه 8 بالليل بكرة كويس
جوانى : كويس جدا
رايقة : see you
جوانى : الله يسلمك
جوانى بعد ما قفل طبعا كان هطير من الفرحه فرصة وقعت من السما مش لازم يضيعها لازم ياخد منها ميعاد بكرة علشان يخطبها مش هيستنى اكتر من كده ولازم كمان يغير من نفسه مش هيلبس البدله الكحلى تانى لانها نحس جوانى قبل الميعاد بساعه حلق دقنه ولبس الحته الكلاسيك قميص شيك وبنطلون اسود والبرفان عريس ليله دخلته قرب على المكان لقى المكان فاضى ورايقة واقفه مستنياه قمر منور كالعادة بس باين فى حد بيعاكسها جوانى جرى
جوانى : فى حاجه يااستاذ
الشاب : شىء ميخصكيش
جوانى : انت قليل الادب
الشاب: انت بتقول ايه طااااااااااااااااااااااااااخ
جوانى : لالالالالالا وشى تانى حراااااااااااااااااااااااااااااااااااام
جوانى صحى من النوم مفزوع هو فى ايه حتى الحلم مليش حظ فيه انا وشى ورم من الضرب مش هضرب تانى دى كوابيس اهدى ياجوانى
جوانى صحى من النوم وهو مش متفاؤل خالص والحلم مسيطر عليه طول النهار ولحد لما جه الميعاد ظبت نفسه وحلق دقنه وحاول قدر الامكان يطرد الحلم ده من دماغة ووصل المكان قبل رايقة وفضل واقف مستنى لحد ما القمر ظهر رايقة فى فستان رقيق ابيض زادها نور وجمال ليك حق ياجوانى قلبك يتعلق بالقمر
جوانى : عارفه انتى زى الجبنه القديمه كل يوم تحلو
رايقة بابتسامه : جبنه قديمه متشكرة ياسيدى يلا بينا
دخلو المكان وجوانى اتنفس من قلبه الحمد الله مفيش حد ضربة واختارت رايقة ترابيزه على النيل من خلال شباك زجاجى وابتدى الكلام
جوانى : الجميل يشرب ايه
رايقة : عصير مانجا
الحمد الله الويتر جه بسرعه ومن نفسه واخد طلباتهم
جوانى : اولا بعتذر على مجموع المواقف اللى اتعملت فى الفترة اللى فاتت صدقينى انا بحاول اسعدك وبحاول اخلق اى فرصة اتكلم فيها معاكى بس مكنيش فى نصيب للكلام شوفى يابنت الناس انا معجب بيكى جدا ومش هكدب عليكى حبيتك من اول يوم شوفتك فيه حسيت معاكى بحاجات كتير حلوه بصرف النظر عن الضرب اللى انا اكلته .
رايقة ابتسمت بهدوء ابتسامه زودت وشها نور وجمال
جوانى : وعلشان كده احب اعرف رايك علشان الكلام يكون فى الاتجاه الصح
رايقة وشها احمر جدا من الخجل بس استجمعت شجاعتها وقالت
رايقة : احم انا مش عارفه ااقول ايه بعد كلامك ده بس انا كمان فى حاجه جوايا ناحيتك بس مش قادرة احددها يمكن انت حد اول مرة اقابله فى حياتى حياتك وتصرفاتك غير اى حد شوفته حقيقي مش عارفة .
جوانى : افهم من كلامك انك موافقة مبدائيا على الأرتباط بيا
رايقة : ارتباط ؟؟؟؟؟؟؟؟؟؟
جوانى : طبعا لازم كل حاجه تبقى فى النور
رايقة : مش شايف انك متسرع شويه فى موضوع الارتباط ده ؟
جوانى : رايقة انا عايز الحق افرح معاكى انتى كل دنيتى دلوقتى انا كنت حاسس انى هموت قبل ما اقولك بحبك
رايقة بلهفه : متقوليش كده كلها مواقف صغيرة
جوانى : انا مستعد اموت بس اسمع منك كلمه حلوة انتى غاليه عندى اوى
رايقة : انا من رايي تيجى الفيلا عندنا تتعرف على بابا وتتكلمو سوا
جوانى : موافق حددى ميعاد وقوليلى
رايقة : اول يلا بينا احسن انا اتاخرت
جوانى طلب الحساب هو اه دفع 50 جنيه بس كان مبسوط اوى اخيرا قالها بحبك وهو كمان بتحبه يافرحه قلبك ياجوانى
جوانى : انتى راكنه عربيتك فين
رايقة : قدام شويه
جوانى : ممكن اوصلك لحد العربيه لو مش يضايقك
رايقة : ابدا خالص
وهما ماشين وفجاه واحد عدى بسرعه خطفت شنطه رايقة رايقة صرخت حرامى ىىىىىىىىىى ودى كانت كفايا انى جوانى ينطلق وراء الحرامى
جوانى : ايه ياعم براحه شويه انت بتجرى الاولمبيات انا كده هيجيلى القلب
الحرامى فضل يجرى لحد ما جوانى كان هيموت ووضع جوانى صعب على واحد فى الشارع شنكل الحرامى ةوقع الحرامى على الارض وجوانى هجم عليه ومسكه بيقوله
جوانى : يعنى انت مش لقى غير النهارده ده انا مصدقت يوم يعدى كويس انت ايه موصفلى
الحرامى : ابوس ايديك يابيه
جوانى : تبوس ايدي ده انت كنت هتجبلى القلب من كتر الجرى ده انا هموتك بس اخد نفسى بس .
فى اللحظه دى وصلت رايقة ومعاه الظابط
الظابط : سيبه يااستاذ احنا هناخده
جوانى : مش هسيبه انا لازم اموته
الظابط : خلاص يااستاذ هدى نفسك
جوانى ساب الحرامى على عينه كان عايز يضربه كان نفسه رايقة تشوفه وهو بيضرب الحرامى بدل ما كل مرة يضرب بس حتى دى ملوش حظ فيها
جوانى بص لرايقة : محديش يقدر ياخد حاجه من جوانى ابن صميده اتضفلى ياقمر مصر والدنيا كلها
رايقة : مرسى ياحبيبي .............................. نشوفكم الحلقة الجاية

8