يوميات محتار ومحتارة

(1)

زوجين من ملايين الازواج في بلدنا

الام في الشهر التالت من حملها الاول

والله محتارة اجيب لبس ولد ولا بنت

الاب اصبري لما الدكتور يقولنا نوع الجنين وبعد كده نجيب اللبس

الام طيب دلوقتي انا بشتغل بعد الولادة ولما الاجازة تخلص محتارة اسيب الولد فين

اوديه لمامتك ولا لمامتي

ولا اوديه حضانه

الزوج لما تولدي وتقومي بالسلامة نبقي نفكر

وبعد 6 اشهر

زغاريد

ونعرف انه جاء الي الدنيا مولود جديد

وابتدت حيرة جديدة

بيختارو للمولود اسم

لانهم عيزين اسم شيك غريب اسم سهل يعرف يقولو الاهل كلهم جدته تقترح جده يقترح

والام تفكر والاب يفكر

وفي الاخر وبعد الحيرة

وبإجماع
اطلقو عليه اسم

محتار

وده اختيار الاب واللي قال جايز الاسم يفك عنه النحس ومش يحتار حيرتنا

طيب مبارك يابني والله اسم جميل وجديد لا وشيك فعلا

وابتدو حيرة جديدة

طيب سميناه محتار ندلعه نقوله يا إيه

حوحو - تاتو - رورو- توحي

وبعد حيرة وتفكير عميق قالو ندلعو ونقوله

ياراتح ( اقرأالاسم بالعكس )

الام

لالالا

اقولكم

ندلعه ونفوله يا راتحو

ايه ياختي ردحو

وده كان تعليق ام الزوج

ردحو ازاي يعني

الزوجة لالالا ياماما راتحو والله حلو

واصبح دلع محتار راتحو

وطبعا فرحة العيلة لاتوصف بقدوم راتحو حامل لقب العيله واللي حيمد في اسمها

في نفس الوقت ونفس الشارع كان زوجين اخرين منتظرين قدوم مولودهم الجديد

ولما سمعو زغاريد جيرانهم تفاءلو بس لما عرفو اسم الولد استغربو

ولكن ضحكو وقالو شيك اهو كلنا محتارين ومش عارفين عيزين ايه من دنيتنا

يالا نروح نبارك لهم

يتبع ............

(2)

وفعلا راحو يباركو بقدوم محتار

وهما قاعدين مع ابو محتار وامه

سألوهم ايه قربتي تولدي قالت ايوة كلها ايام

طيب خير هاتي لينا بنوتة حلوة علشان نجوزها لمحتار ادينا بنحجز اهو

راح الزوج رد لالالالا بنت ايه انا نفسي في ولد

ويكون هو وابنك اصدقاء زينا كده

فردو ليه البنت مالها دي حتي حبيبة ابوها

رد وقالهم لالالالا انا بحب الصبيان عايز ولد

وانتهي الكلام علشان جه ميعاد السبوع والناس كلها فرحانة وبتغني وبتزغرد

وبعد اتمام مراسم السبوع كل واحد روح ع بيته

وبعد ايام شعرت الام بالالام الوضع

وربنا اكرمها وطلعت مولودة جميله جدا طبعا زوجها كان غضبان انها طلعت بنت

وسم بدنها بكلام كتير اوي ازاي تطلع بنت وكأنه تناسي اني دي إرادة ربنا

وان البنت رزقها واسع

بعد شوية قبل بالامر الواقع وابتدو يدورو ع اسم للبنت

واحتارو كتير اووي

فأتصل بصديقه ابو محتار وقاله ربنا رزقني ببنت اسميها ايه

وقدرا زوجته كات جنبه فقالها دول بيدورو ع اسم للبنت انتي ايه رأيك

فقالت والله يبقي اسمها محتارة ونجوز محتاااااااااار لمحتارة وضحكت لانها تمنت ان تدوم صداقتهم

وصله الاسم وهو بيضحك قاله سامع يالا شد حيلك بقي

رد عليه وقاله بتضحك ع ايه انا الدنيا كلها سودا في وشي

قاله يا سيدي ربنا يجلعها قدم السعد عليك وع بركة الله سميها محتارة

وتكون هي و محتار

حظهم في الدنيا افضل مننا

مرت الايام ومحتارة كبرت شوية

بس والدها دايما كان بيعملها بطريقة خشنة جدا اكنه بيعامل ولد

ودايما يقولها عيزك راجل كده

تعيط يقولها لامش تعيطي انتي زيك زي الولاد والاولاد مش بيعطو

ربي ابو محتارة في بنته الخشونة وانها ولد

عكس ابو محتار وامه فكان بيربو الولد ع الهدوء والرزانة وان اللي يضربه او يسئ اليه يكلمه بالحسني

وياسلام لو اجتمع محتار مع محتارة في مكان

ياحرام كانت بتخوفه بنظراتها وبالعابها المرعبة

وكل شوية تخضه وهو يعيط وهي تضحك

وابوها يشوفها كده يتبسط

كتير نصحه ابو محتار ان طريقة تربيته لبنته غلط وكده حتفقد انوثتها ولازم تكون بنت

ولكنه قال انا عيزاها تنسي الكلمة دي خالص

انا شفت من البنات كتير مش عايز بنتي تطلع زيهم لازم تكون جد والكل يعمل لها حساب

مش تطلع في كلامها ميوعه تقعد تهزر مع ده وده

قاله انت ممكن تربيها ع الدين والاخلاق الطيبة واكيد حتحافظ ع نفسها

قاله بص يا ابومحتار انا مش بدخل في تربية ابنك انتي كمان مش تدخل في تربية بنتي

قاله انت حر بس بعد كده انت اللي حتندم

ومرت سنوات

ودخل محتار ومحتارة المدرسة وكانو من المتفوقين

وكان محتار هادي وذوق مع الكل

لكن محتارة كانت شديدة وتتعصب من اقل شئ ومحدش يقدر يكلمها

ولما محتار كبر ابتدي يشوف ان محتارة ع قد طيبة قلبها ولكنها مش زي البنات اللي بيشوفهم

لبسها زي الاولاد طريقتها زي الاولاد

حتي بعض الفاظها

ووصل محتار ومحتار لمرحلة الثانوي واتفرقو كل واحد بمدرسة

يتبع ....................

(3)

مرحلة الثانوي كانت مرحلة تغيير لمحتار ومحتارة

محتارة ابتدت تكون في مدرسة للبنات بس شافت في المدرسة حاجات غريبة اووي

هي ممكن تكون في العام مش غريبة لكن ع محتارة ولانها اول مرة تشوف وتسمع فهي فعلا غريبة

ابتدي يتقرب منها بنات كتير اوي وده لتفوقها

وكانت بتسمع منهم حكايات عن علاقتهم مع الشباب

واللي خرجت مع فلان واللي حتتخطب حتسيب المدرسة

ابتدت تسمع عن بنات بتروح الكوافير وبتعمل عمايل في نفسها

قصة شعر زي المغنية الفلانية

وواحدة تعمل وشم زي صاحبة الاعلان الفلاني

والتالتة صبغت شعرها لون زفتاوي زي المذيعه الفلانية

وكل ده ومحتارة مش فاهمة ايه اللي بيدور حواليها

سمعت ع افلام ومسلسلات بيتفرجو عليها كلها حب وازاي البطل بيضحي علشان البطله

بس كان مسلسل البجح والساقطات هو ا لاكثر متابعه وده مسلسل امريكي حلقاته مدي الحياة

كانت قصته جديدة وكلها رومانسية لان البطلات كلهم بيحبو زفتديج

ولا المسكينة هاروك اللي علشان تغيظه بقت مراة ابوه

ولا كارولين كرولته اللي اتجوزت اخوه

وهو همه حد اتجوزهم الاتنين هيهيهيهيهيهيه

حبت محتارة تتابع فيلم ولا المسلسل من دول ع احدي الفضايئات

لاقت مشاهد حب خجلت انها تكمل الفيلم ولا المسلسل اللي البطل كان شوية حيتجوز امه لولا ان ابوه تدارك الموقف وساب له هاروك

ابتدت تحس باحاسيس جديدة عليها

احاسيس هي نفسها مستغرباها كل ده كان جوه نفسها محدش عمره حس حتي والدتها محستش باللي بنتها بتعانيه

كانت محتارة بتشوف البيت شئ وبتشوف المدرسة شئ تاني

تقربت منها بنت من البنات وحبت تكون صديقتها وزي ما قلت كل ده علشان تفوقها

وابتدت تستغلها اشرحيلي الجزء الفلاني اديني كشكول المادة الفلانية

ومحتارة ع قد ماهي ملامحها حادة وع قد كلامها الناشف لكنها فيها ساذجة وكانت بتتعامل عادي وبطيبة

وبتساعد اي حد بيطلب منها حتي البنت دي

البنت كان اسمها مروة وكانت بنت لعوب من البنات اللي بتروح صالات ديسكو واول ما تخرج من المدرسة ترفع كمر الجيبه لحد الركبة

وتحط زبدة كاكاو وترسم عينيها بالكحل وتستمع بالمعاكسات ونظرات الشباب ليها

اقنعت مروة محتارة انها تروح معاها مرة حيث ان بيتهم في نفس الطريق

ولما مشيت معاها محتارة شافت كل ده

روحت بيتها قعدت مع نفسها المفروض هي والبنت دي بنات

طيب هي ليه كده وبتعمل كده ليه هل هي باللي بتعمله ده صح ولا زي ما علموها في البيت هو اللي صح

وابتدي صراع في نفسها وابتدت تعرف حاجة اسمها الخواطر وابتدي يكون لها خصوصيتها وابتدت تكتب احاسيس جديدة احاسيس للا شئ

محتار ابتدي يتعرف ع نوعية شباب جديدة دخل الثانوي لاقي فيها رجالة بشنابات ايه ده مالهم شكلهم كده ليه

دول زي الاستاذة عرف انهم من الراسبين وافتكر ساعتها فصل مدرسة المشاغبين

شاف زمايل بيشربو سجاير

طبعا محتار كان صديق ابوه وكان فاهم ان ده عيب وكمان حرام

فكان بيشوف ويسكت ومش مستغرب لانه سمع حكايات كتير من والده شاف زمايل بيهربو من المدرسة

سمع منهم حكايات عن صحوبية البنات والخروج وعمل مع البنت دي ايه وطلعت كانت ماشية مع اخوه

ايه ده ايه العالم دي

بس محتار بينه وبين نفسه ع قد هدوءه ومظهره الضعيف لكن كان واثق من نفسه جدا عارف ان كل ده غلط وده لان والده كان متفهم ابنه وعارف ان المرحلة دي كات لابد وحتمر عليه

فكان متابعه وبيسمع منه وبيفهمه وبيوجهه

محتار كان من المتفوقين كان الاول دايما مش ع الفصل بس المدرسة كلها

وفي المرحلة دي صاحب عمرو وده كان من الطلبة الغير ملتزمين كان فاشل بس طيب مش صايع يعني وكان ساكن في نفس الشارع بتاع محتار

فكان بيروح ويجي مع محتار للمدرسة ولخفة دم عمرو اصبح هو محتار اصحاب

وجت سنة الرعب

رعب البيوت المصرية كلها واللي اول ما ابنهم بيدخل كي جي وان بيعملو لها الف حساب

وفي ناس بتحوش فلوس علشان تستقبل السنة السعيدة

لا وفي امهات بتبيع ذهبها علشان السنة دي

الثانوية العامة

يتبع ....

(4)

الثانوية العامة بتعبها وقلقها بجد مش فاهمة ليه الناس بتعمل كده ماهو اللي ليه نصيب في شئ حيشوفه سبحان الله

طبعا البيت عند محتار ومحتارة زي كل البيوت المصرية ابتدو يخدو دروس

وبما انهم في سنة واحدة ابتدو يخدو الدروس كلها مع بعض وكانت معاهم مروة وعمرو

اول مرة اخدو مع بعض درس وبعد انتهاء الدرس

نزل عمرو ومحتار

عمرو قال لمحتار مين البنتين دول وابتدي محتار يقوله ع محتارة انها جارتهم ومتربين مع بعض

راح عمره غمزه ياعم ع اللي متربين مع بعض اكيد في بينكم قصة حب

قاله حب ههههههههههه انا احب محتارة يابني دي راجل

انا يوم ما احب لازم تكون بنوتة رقيقة مهتمة بنفسها تحسسني اني راجل تكون ضعيفة

مش امسك ايديها تديني بالقلم

قاله لا هي مسترجلة صحيح بس وشها طعم و الله ي دي كلمة حب واحدة و يغمي عليها

اسألني انا دي شكلها من برة كده لكن من جوة حاجة تانية

رد عليه محتار من فضلك ياعمرو احنا بناخد درس صحيح مع بعض واصحاب لكن محتارة زي اختي ومش اسمح لاي حد يتكلم عليها كده

رد عمرو قاله شفت يابني انت بتحبها بس مش واخد بالك

قاله بطل هزار حب انا مش فاضي للكلام ده

قاله طيب خلاص خلاص ومروة دي تبقي ايه كمان اختك بردو قاله لا دي صحبتها

قاله ااااااااه بس باين عليها اييييييييييييييه

رد محتار قاله ايييييييييه احنا حنبتدي

فكمل محتار

عموما باين ع مروة دي انها بنت رقيقة وانا احب نوعية البنات المهتمة بنفسها

رد عليه عمرو ااااااااااااااااااااااه طيب هو ده العبط بعينه

قاله محتار يعني ايه

ضحك عمرو ضحكة خباثة وقاله ولا حاجة انا ماااالي

نزلت محتارة توصل صحبتها مروة

سالتها مروة هو مش غريبة انك ومحتار اسمائكم قريبة من بعض

قالت اه ماهي مامته هي اللي سمتني ع اسمه

قالت قولتيلي طبعا بقي في قصة حب ما بينكم ما انتم قدام بعض ع طول اه ياساهيه

وانا اللي فكراكي ابيض ومافيش حاجة ردت محتارة بكسوف ممزوج بعصبية قالت حب ايه محتار زي اخويا وانا عمري ما فكرت في اي حاجة من دي

ردت مروة اخوكي ااااااااااااااااااه ياخوكي ياخوكي

طيب مدام بقي اخوية وبس اسمحيلي قالت لها اسمحلك بإيه

قالت بعدين حتعرفي وضحكت ضحكة عالية وسابتها ومشيت

رجعت محتارة البيت وقعدت تفكر في كلام مروة

وقالت انا ومحتار نعرف بعض من زمان ومع ذلك عمرنا ما فكرنا اننا ممكن نتجوز او نحب بعض وهو عمره ماحاول حتي يكلمني في اي شئ ياتري ليه

اه اكيد علشان محتار ولد مؤدب والكلام ده بتاع ناس فاضية وهو متفوق وحاطط في راسه يدخل كلية من كليات القمة

اكيد مش حيفكر في تفاهات زي دي

بس يعني ايه كلمة مروة اسمحيلي

اسمح لها بإيه وليه سألتني ع محتار ومش سألت ع زميله

طيب هو ليه انا ارتبكت وزعقت كان ممكن ارد عليها بهدوء

ورجعت تاني محتارة لاحاسيسها المتداخلة اللي مش عارفة ايه معناها

دخلت عليها والدتها علشان تناديها للعشاء ولاقيتها سرحانة

سالتها في حاجة قالت لها لا قالت لها قومي كلي الاكل ع الترابيزة وكلنا حناكل مع بعض

كانت ام محتارة بتعاملها بطريقة ناشفة وده لان من صغرها كل ما كانت تحن عليها او تدلعها كان والدها يزعق فيها ويقولها انتي اللي حتبوظي البنت

فكل ما تقرب من بنتها تسمع الكلام ده واتعودت انها تبعد عنها مع انها كتير بتكون نفسها تقعد معاها ولكنها

مش بتلحق بذات ان اخوات محتارة كانو صغيرين ومحتاجين امهم وهي بتصورها ان محتارة كبرت وانها مش محتاجة امها زي اخواتها الصغيرين

وبعد ما خرجت امها حست بشئ جواها و طلعت محتارة كراسة خواطرها

وكتبت

كم تمنيت ان احدثك

كم تمنت ان تكوني بجانبي

فأنا اعاني وحدي ولا اعلم ماذا افعل ماذا بي ياتري

اشعر بالكثير من الاحاسيس ولكني لا استطيع اظهارها

اخاف نعم هو الخوف

الخوف الذي كبر معي

الخوف الذي جعلني دائما اخفي احاسيسي

بالفرح

بالحزن

بالوحدة

بالحب

ماذا حب وهل انا احب لالالالالا انا لا احب

لا انتي تحبي والحب بداخلك ولكنك لا تستطيعين اظهاره

تخلصي من خوفك اولا ثم ابحثي عنه بداخلك

حتما ستجدينه يوما

بعد ما كتبت محتارة اللي جواها خرجت علشان تتعشي مع والدها ووالدتها واخوتها

وكالعادة قعدت في ابعد كرسي عن الدها علشان تتجنب كلامه ليها

يتبع ................

(5)

ايه النظام احنا حنبتدي من أولها دروس

محتارة : يابابا ماهو كل اللي في الثانوية العامة بيخدو

والدها : اه الفاشلين بس بصي من الاخر لولا ان والدتك اتحايلت عليا في الدرس ده انا ماكنتش اديتك

محتارة طيب ححاول اذاكر باقي الدروس لوحدي

والدها : مين البنت اللي معاكي دي

محتارة : دي مروة صحبتي

والدها وهي شكلها عامل كده ليه وانتي ازاي تصاحبي واحدة بالمنظر ده هدومها ضيقة وشكلها كده مش مظبوط

محتارة : يابابا انا مالي بيها هي مجرد زميلة في المدرسة والدرس

والدها: اه لحسن تميل عقلك وتفكري تقليديها

محتارة : اقلدها في ايه هي لها شخصيتها وانا ليا شخصيتي

انا مش بفكر الا في مذاكرتي وبس

وسابت الاكل وهي بتقولهم انا حقوم انام

والدتها : محتارة ايه ده مش حتاكلي

محتارة : ماليش نفس

والدها : احسن وفرتي

دخلت محتارة اوضتها وهي نفسها تصوت فيه كبت جواها في احاسيس كتيرة

حاولت تفتح ورق الدرس تقري اي شئ مش شافت حتي الكلام المكتوب حاولت تقوم تنام لكنهاكانت بتفكر في كلام مروة ليها

وكلام والدها واسلوبه

وحست انها عايزة تبكي وفعلا نزلت دموعها لحد ما نامت

عند محتار بالبيت وبعد ما رجع من الدرس

قعد ما باباه يتناقش في اللي اخده في الدرس

والده : محتار عايزك تركز في دروسك علشان تطلع من الاوائل زي كل سنة وليك عندي جايزة كبيرة

محتار : بجد يابابا ايه هي

والده مش حقولك لما نشوف النتيجة الاول

واي مادة تحتاج فيها درس قولي

محتار : لا يابابا انت كده بتتعب علشانا اوووي

والده وانا ليا حد غيرك انت واختك اتعب علشانكم

انت بس اؤمر

وقام محتار طبع قبله ع خد والده وحضنه وهو بيقوله ربنا يخليك ليا يابابا

تصبح ع خير

ودخل محتار فتح ورق الدرس وقري الورق سريعا ودخل ينام علشان المدرسة

وهو ع المخدة جت في باله صورة مروة وازاي هي هادية ورقيقة

وفي نفسه........... ياااه لو الواحد يخلص ويجيب مجموع عالي كده

انا ان شاء الله مجرد ان ادخل الكلية ححاول اشتغل علشان اقدر اساعد بابا ع الاقل في مصاريف كليتي

ورااح محتار في النوم

يتبع .................

» يوميات رايقه و جواني